Disney shkarkon 28 mijë punonjës parqesh argëtimi, të mbyllura prej pandemisë

“Disney” do të shkarkojë nga puna 28 mijë punonjës nëpër parqet e ndryshme amerikane, për shkak të numrit të ulët të vizitorëve.

Rreth dy të tretat e punonjësve të shkarkuar janë me kohë të pjesshme, sipas deklaratës së lëshuar nga kompania.

Me nisjen e pandemisë, “Disney”u detyrua të mbyllë parqet e argëtimit në të gjithë botën. Të gjitha u rihapën, përveç Disneyland, edhe pse kompania u detyrua të kufizonte numrin e vizitorëve për të lejuar distancimin fizik.

Në një deklaratë për mediat, Josh D’Amaro, kreu për njësinë e parqeve, tha se këtë vendim të vështirë e morën për shkak të kufizimit të kapaciteteve dhe prej rritjes së pasigurisë gjatë pandemisë, dhe sepse shteti i Kalifornisë nuk i ka hequr kufizimet të cilat do të bënin të mundur rihapjen.