‘Do t’i rimarrim territoret’, Zelenski: Flamuri i Ukrainës do ngrihet në Krime

Në vijën e frontit, artileritë vazhdojnë dhe mes palëve të përfshira në luftë, shumë njerëz kanë mbetur të bllokuar.

Vullnetarë nga e gjithë bota po përpiqen të evakuojnë personat në fjalë. Një prej lokaliteteve ku operacionet janë në zhvillim është Siversku, ku është një ferr i vërtetë.

“Ukraina do të kthehet, kjo është e sigurt. Jeta do të rifillojë. Dinjiteti i popullit të Donbasit do vihet në vend. Mundësia për t’u ndjerë të sigurt dhe të lumtur do kthehet gjithashtu. Kjo është ajo çka do të simbolizojë flamuri ynë kur të ngrihet në Donjeck, Dorlivka, Mariupol, në të gjitha qytetet e Donbasit dhe në të gjitha rajonet e pushtuara nga Rusia; përfshirë Krimenë. Ukrainasit nuk harrojnë”, thotë Zelenski.

Ukraina dhe Rusia shkëmbyen në orët e fundit akuza të reja për bombardimin e impiantit bërthamor në Zaporizhia, teksa operatori i centralit paralajmëroi rrezikun për një rrjedhje radioaktive.

Të dielën, operatori ukrainas “Energoatom” deklaroi se trupat ruse e kishin bombarduar vazhdimisht strukturën.

Kievi akuzon gjithashtu Rusinë se ka përforcuar praninë ushtarake atje me armatime të rënda, përfshirë tanke.

LEXONI GJITHASHTU

• Lavrov: Perëndimi dhe SHBA-të nuk do ta ndalojnë formimin e një bote shumëpolare
• Forcat ruse bombardojnë qytetet ukrainase rreth centralit të Zaporizhias