Dritë e gjelbër për “Johnson & Johnson”, autoritetet amerikane rekomandojnë rinisjen e përdorimit

Shtetet e Bashkuara mund të rifillojnë menjëherë përdorimin e vaksinës anti-COVID të prodhuar nga kompania “Johnson & Johnson”.

Kështu kanë deklaruar entet rregullatore amerikane, që i kanë dhënë fund ndërprerjes 10-ditore, gjatë të cilës u hetuan lidhjet mes vaksinës dhe rasteve të rralla të mpiksjes së gjakut.

Qendra për Kontrollin dhe Parandalimin e Sëmundjeve, si dhe Administrata për Ushqimin dhe Barnat u shprehën në një deklaratë të përbashkët se do të paralajmëronin për rrezikun e një sindrome potencialisht fatale që përfshin mpiksje të rënda të gjakut dhe trombocite të ulëta në recetën që do t’u jepet marrësve.

Autoritetet amerikane nënvizuan gjithashtu se vendimi hynte në fuqi menjëherë, duke i hapur rrugën marrjes së vaksinës në krah duke filluar nga e shtuna.

Agjencitë e morën vendimin pas një takimi të bërë me ekspertët që rekomanduan që ndërprerja të merrte fund.

Ditën e premte, paneli i Qendrës për Kontrollin dhe Parandalimin e Sëmundjeve votoi 10 me 4 në favor të përdorimit të vaksinës tek personat e moshave 18 vjeç e sipër, parametra këta të autorizuar nga Administrata për Ushqimin dhe Barnat.