Dueli i pretendentëve, Tirana dhe Kukësi matin forcat

Tirana-Kukësi është ndeshja më e rëndësishme e javës së 19-të të Superiores. Kampionët dhe nënkampionët do të matin forcat në një taki mqë mund të vendosë shumë mbi fatin e këtyre dy ekipeve. Trajneri i bardhebluve Orges Shehi vlerëson kundërshtarin, por kërkon që të shfrytëzojë momentin.

“Kemi ndeshje të rëndësishme, vijmë pas rezultateve pozitive, gjë që do të mundohemi të jemi në të njëjtën ecuri, kundërshtari dihet gëzon nivele të larta ndaj kërkon respekt maksimal,” – u shpreh Shehi.

Kryesuesit e Vllaznisë në anën tjetë rduna kthesën në përballjen me Apoloninë. Skuadra shkodrane ka marrë vetëm një fitore në katër përballjet e fundit dhe ndaj fierakëve e sheh si mundësinë më të mirë për tu rikthyer në rrugën e mbarë.

“Kemi një ndeshje të vështire me Apoloninë, por kemi punuar dhe presim të fitojmë si gjithmonë. Duhet të respektojmë çdo kundërshtar, nuk ka rëndësi emri. Ne përgatitemi gjithmonë njësoj” – tha trajneri i Vllaznisë Thomas Brdariç.

Të shtunën do të luhen dhe përballjet mes Kastriotit dhe Partizanit si dhe Bylisit e Lacit.