Dy skiatorë vdesin nga orteku në Austri

Dy skiatorë vdiqën të shtunën nga orteku në Austrinë perëndimore. Policia tha se ngjarja ndodhi disa orë pasi një tjetër ortek në të njëjtën provincë vrau 5 njerëz.

Shërbimet e urgjencës gjetën trupat e dy skiatorëve austriakë, një grua 61 vjeç dhe një burrë 60 vjeç, në orën 00:40 të mëngjesit pasi të afërmit e tyre lajmëruan se nuk po i kontaktonin dot.

Në incidentin e mëparshëm të së premtes, një 42-vjeçar austriak, udhërrëfyes malor, dhe katër skiatorë suedezë, të gjithë rreth të 40-tave, vdiqën kur një ortek pranë qytetit Spiss në kufirin me Zvicrën i mbuloi plotësisht.

Sipas policisë një tjetër anëtar i grupit, mundi të telefononte për ndihmë dhe u shpëtua.

LEXONI GJITHASHTU:

• Orteku godet resortin e skive, 3 të vdekur në Rusi