Dy të vdekur dhe 20 të zhdukur nga rrëshqitja e dheut në Japoni

Dy trupa janë gjetur ndërsa 20 persona janë ende të zhdukur pas një rrëshqitje të madhe dheu në një qytet turistik në Japoninë qendrore. Rrëshqitja erdhi pas një shiu të rrëmbyer.

Pamjet televizive treguan një përrua me baltë që shkatërronte ndërtesa ndërsa këputje nga një kodër në Atami, në jugperëndim të Tokios.

“Dëgjova një tingull të tmerrshëm dhe pashë një rrëshqitje baltë që rridhte poshtë ndërsa punonjësit e shpëtimit po i nxisnin njerëzit të evakuoheshin”, shprehet kreu i një tempulli pranë vendit të katastrofës.

Kryeministri i Japonisë, Yoshihide Suga thotë se shërbimet e urgjencës dhe ushtria kanë filluar misionet e shpëtimit dhe evakuimit, duke paralajmëruar se parashikohen sërish shumë reshje shiu.

Atami pati reshje të dendura shiu prej 313 milimetra në vetëm 48 orë deri të shtunën – më e lartë se mesatarja totale mujore për korrikun prej 242.5 milimetra.