‘E keqja kaloi’, Macron njofton lehtësimin e masave nga kjo fundjavë

Franca do të nisë lehtësimin e bllokadës anti-COVID këtë fundjavë, në mënyrë që për Krishtlindje, dyqanet, teatrot dhe kinematë të rihapin dyert dhe qytetarët të mund t’i kalojnë pushimet me familjet e tyre.

Kështu deklaroi mbrëmjen e së martës presidenti Emanuel Makron. Në një fjalim televiziv, Makron tha se e keqja e valës së dytë të pandemisë në Francë ka kaluar, por kafenetë dhe baret do të qëndrojnë mbyllur deri më 20 janar për të shmangur nxitjen e një vale të tretë.

“Ne duhet të bëjmë gjithçka për të shmangur valën e tretë dhe për të shmangur një bllokadë të tretë”, deklaroi Makron.

Pasi shtetrrethimi i vendosur në qytetet e mëdha të Francës në tetor nuk dha rezultatet e pritshme, qeveria vendosi bllokadë kombëtare, e cila megjithatë që më e butë se e para, nga 17 marsi deri më 11 maj.