Edlira Çepani: Nga rritja e çmimit të energjisë prekem unë dhe çdo qytetar tjetër

Aktivistja Edlira Çepani tha se nga rritja e çmimit të energjisë preket ajo dhe çdo qytetar tjetër.

E ftuar në emisionin “Review” në Euronews Albania, ajo u shpreh se gjatë dimrit të gjithë e kalojnë fashën 800 KW, ndërsa shtoi se nga rritja e çmimeve preken të gjithë.

“Nga kriza energjetike prekem unë dhe çdo qytetar tjetër. Çfarë ndodhi me karburanti? Nuk u rrit çmimi vetëm për ata që përdorin makina, u rrit çmimi i miellit, vezëve, i ushqimeve. Kemi rritje çmimesh por jo rritje rrogash. Nëse rritet çmimi i energjisë, patjetër që prekemi sepse në një bisedë të vogël që bëmë mes miqsh të gjithë prej nesh e kalonin fashën 800 KW. Dhe ai 95% i popullsisë që deklarohet se nuk preket nga kriza energjetike është një shifër që llogaritet në 12 muajt e vitit. Të gjithë prekemi nga kjo rritje çmimesh”- tha ajo.

LEXONI GJITHASHTU: 

• Migen Qiraxhi: Vitin e ardhshëm ne do të jemi më të varfër, por qeveria më e pasur
• Nasto: Bizneset në Shqipëri kontrollohen 10 herë në ditë për korrupsion
• Fermerët e Gramshit në krizë, ka prodhime bujqësore, por çalon shitja e produkteve