Banka e Shqipërisë ka ndërhyrë pesë herë përmes rritjes së normave të interesit në përpjekje për të frenuar rritjen e çmimeve në vend.

Në fund të muajit mars, norma bazë ishte 0.5 për qind, ndërsa aktualisht është rritur me 4.5 herë, duke shkuar në 2.75 për qind.

Efekti i menjëhershëm ndjehet të kreditë e reja që jepen nga bankat e nivelit të dytë. Aktualisht, interesat mesatare të kredive për individë janë mbi 7 për qind dhe për biznese rreth 6 për qind.

Në rritje është edhe shifra e refuzimeve të aplikimeve për kredi nga bankat e nivelit të dytë. Për bizneset kjo shifër është rreth 4 pikë mbi nivelin mesatar.

Vendimmarrja e Bankës qendrore prek edhe kreditë ekzistuese gjatë rishikimit të normave të interesit nga bankat e nivelit të dytë.

Shtrenjtimi i kredisë mund të çojë në rënie të aftësisë paguese dhe rritje të kredive me probleme, një skenar që Banka e Shqipërisë nuk e ka përjashtuar për muajt në vijim.

LEXONI GJITHASHTU

• BSH rrit normën e interesit, Sejko: Inflacioni, kërcënimi kryesor për ekonominë
• A u hakerua sistemi bankar? Flet ekspertja e ekonomisë
• Banka e Shqipërisë rrit normën bazë të interesit për kreditë