Ekspertët e Bankës së Shqipërisë: Tkurrja e ekonomisë në nivelin 2.5%

Pasiguria për zhvillimet ekonomike të Shqipërisë, në kushtet e pandemisë së shkaktuar nga COVID-19 mbetet e konsiderueshme.

Ky parashikim i ekspertëve të Bankës së Shqipërisë është publikuar në Raportin e Stabilitetit Financiar, i cili ka marrë në analizë ecurinë e treguesve ekonomikë gjatë gjysmës së parë të këtij viti.

“Duke qenë se ecuria e pandemisë mbetet e pasigurt, nuk përjashtohet mundësia që sfidat me të cilat mund të ndeshet sektori bankar të thellohen”,- pohojnë ata.

Më tej, ekspertët e BSH-së shtojnë se është e nevojshme që kjo periudhë të shfrytëzohet nga bankat për të administruar në mënyrë të përshtatshme dhe transparente rreziqet e veprimtarisë, duke u përqendruar në rrezikun e kredisë.

Ndërsa duke u thelluar tek ecuria e ekonomisë në 6 muajt e parë të vitit, Raporti i Stabilitetit Financiar përmend tkurrjen e ekonomisë me nivelin prej 2.5%.

 Sipas këtij raporti, ekonomia botërore, por edhe ajo shqiptare, do t’i rikthehet normave pozitive të rritjes vetëm në vitin e ardhshëm, në 2021.

Lexoni gjithashtu: 

Ekonomia shqiptare pritet të tkurret me 7,5 për qind, FMN kundër amnistisë fiskale: Kujdes PPP-të!