Ekuadori zgjat me 30 ditë gjendjen e jashtëzakonshme për shkak dhunës

Ekuadori ka zgjatur gjendjen e tij të jashtëzakonshme për 30 ditë dhe ka vendosur trupa në rrugë në të gjithë vendin për të luftuar dhunën në rritje të lidhur me tregtinë e drogës, tha qeveria e vendit.

Presidenti Daniel Noboa, i zgjedhur në nëntor, nxori një dekret për rinovimin e gjendjes së jashtëzakonshme të shpallur në të gjithë vendin më 8 janar për 30 ditë të tjera, ndërsa Kushtetuta e Ekuadorit, si lider i vendit, e autorizon atë të mbajë gjendjen e jashtëzakonshme deri në 90 ditë radhazi, raporton Figaro.

Kjo masë, e cila zbatohet edhe në burgjet, ku janë konfiskuar droga dhe armë, lidhet me “trazira të rënda të brendshme” dhe “konflikt të brendshëm të armatosur” me të cilin po përballet kombi, sipas një dokumenti qeveritar.

Presidenti i Ekuadorit shpalli gjendjen e jashtëzakonshme më 8 janar pasi kreu i bandës së drogës Adolfo Macias, i njohur si Fito, u arratis nga burgu në qytetin jugperëndimor të Guayaquil, ku po vuante një dënim 34-vjeçar.

Pas arratisjes së drejtuesve të kartelit, në burgje shpërthyen trazira, të cilat u përshkallëzuan me rrëmbimin e 200 gardianëve dhe oficerëve të policisë nga të burgosurit, përpara se forcat e sigurisë të rivendosnin rendin.

LEXONI GJITHASHTU:

• Gazetarja nga Ekuadori: Bandat janë të lidhura me mafian shqiptare
• Ushtria në rrugë! Ekuadori zhytet në kaos, përplasje dhe plaçkitje në gjithë vendin