Elga Mitre: Dhunës ndaj vajzave dhe grave nuk i jepet fund me një protestë

Elga Mitre, aktiviste duke folur në emisionin “Ilva Now” për dhunën ndaj vajzave të mitura dhe grave, thotë se kjo nuk mund të ndalet duke protestuar çdo ditë, por duhet arritur duke ndryshuar gjithsesi sjellje.

Me këtë, znj. Mitre bën apel për ndërgjegjësimin e të gjithë neve për të reaguar kur konstatojnë sjellje apo veprime të dyshimta për krime të tilla por edhe të ndërgjegjësojmë që kjo të mos pranohet.

“Duket sikur historia përsëritet. Kemi bërë të njëjtën gjë kemi dalë kemi protestuar. Ka pasur prindër, fëmijë të rinj. Kjo indinjatë shoqërohet edhe nga ata që nuk marrin dot pjesë por sensibilizohen në rrjetet sociale. Historia që përsëritet nuk na ka shqetësuar ende sa duhet. Nuk mund të dalim çdo ditë të protestojnë në shesh, gjithsecili nga ne duhet të bëjë diçka në 365 ditë të vitit. Për fat të keq ajo që kemi më kollaj për të bërë është të drejtojmë gishtin tek tjetri dhe vazhdojmë të ushqejmë kulturën e mos ndëshkueshmërisë”, u shpreh aktivistja.