EMA deklaron se ‘mpiksjet e gjakut’ duhet të listohen si një efekt anësor “shumë i rrallë” i AstraZeneca

Pas konferencës së Agjencisë Europiane të Barnave, enti rregullator Europian ka vendosur se “mpiksjet e pazakonshme të gjakut” duhet të listohen si një efekt anësor “shumë i rrallë” i vaksinës AstraZeneca. Gjithashtu, është cilësuar se këto efekte anësore nuk i perkasin nje gropmoshe apo seksi.

Kjo deklaratë vjen pas disa raporteve të shteteve Europianë që raportojnë tromboza të rralla por serioze duke përfshirë tromboza në sinuse të cilat krijojnë rrjedhje gjaku ne tru.

Për të gjitha këto arsye, për momentin, moshave nën 30 vjeç, në Mbretërinë e Bashkuar do t’i ofrohen një vaksinë tjetër, jo ajo e AstraZeneca, për shkak të riskut të trombozave në këtë fashë.

Në vazhdim, EMA ka theksuar se vaksina është e sigurt për përdorim, por puna do të vazhdojë për studimin e rasteve të rralla, të cilat janë të zakonshme në një shkallë kaq të gjerë vaksinimi dhe varen direkt nga reagimi imun i gjithsecilit.

Enti Europian gjithashtu ka theksuar faktin se efikasiteti i vaksinës AstraZeneca është i provuar tashmë  dhe të dhënat tregojnë që rastet e trombozës janë një rrezik minimal kundrejt përfitimeve të jashtëzakonshme në luftën kundër COVID-19.