EMA ritheksoi se përfitimet nga vaksina “AstraZeneca” tejkalojnë rreziqet

Agjencia Evropiane e Barnave (EMA) sot pas një studimi të ri, ka ritheksuar pikëpamjen e saj se përfitimet e përdorimit të vaksinës anti COVID-19 AstraZeneca tejkalojnë rreziqet që mund të vijnë prej aj.

 “EMA ka rekomanduar vazhdimin e marrjes së dozës së dytë të vaksinës AstraZeneca midis katër dhe 12 javësh pas marrjes të së parës, në përputhje me informacionin e produktit”, tha rregullatori evropian në një deklaratë.

“Bilanci përfitim-rrezik i vaksinës AstraZeneca mbetet pozitiv për të rriturit në të gjitha grupmoshat”, shtoi rregullatori.

Në vlerësimin e saj të ri, EMA ripërsëriti se përfitimet e AstraZeneca-s tejkalojnë rreziqet, duke theksuar se janë “autoritetet kombëtare që duhet të konsiderojnë faktorë të tjerë dhe mënyrën e përdorimit më të mirë të vaksinave”.