Policia e Durrësit ka vënë në pranga një 23-vjeçar që shpërndante drogë në doza kishte përfshirë në këtë veprimtari edhe dy të mitur, 15 dhe 16 vjeç.
Burime zyrtare nga qyteti bregdetar thonë se në kuadër të operacionit të koduar ‘November’ u arrestua shtetasi Mark Bardhi, banues në lagjen nr.13, Durrës.
“Gjatë kontrollit të ushtruar në një ambient të pabanuar, shërbimet e Policisë i gjetën 23-vjeçarit, një sasi lënde narkotike kanabis të ndarë në doza, gati për shitje. Në momentin e kapjes, 23-vjeçari ishte së bashku me dy të mitur, 15 dhe 16 vjeç, të cilët dyshohet se i shfrytëzonte për të shpërndarë lëndë narkotike”, tha policia.
Në përfundim të veprimeve, materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme, për veprat penale “Prodhimi dhe shitja e narkotikëve” dhe “Shtytja e të miturve në krim”.
LEXONI GJITHASHTU:
- ‘Rama më kërkoi të vij për kanabisin’, Belushi: Po diskutoj mundësinë e legalizimit
- Gjermania drejt legalizimit të kanabisit, rregullat për qytetarët
