Erdogan bind Vladimir Putin, nuk pezullohet marrëveshja e grurit

Në fillim të kësaj jave Moska paralajmëroi se do të tërhiqej nga marrëveshja në shenjë hakmarrje ndaj Ukrainës, duke pretenduar se anijet e saj u sulmuan me dronë në Detin e Zi. Marrëveshja e grurit ishte ndërmjetësuar nga presidenti turk Erdogan.

Ai dha lajmin për ribashkimin e Rusisë gjatë një fjalimi në parlament, në Ankara.

“Pas diskutimit me zotin Putin, ministri rus i Mbrojtjes, z. Shoigu thirri ministrin tonë të Mbrojtjes Kombëtare dhe e informoi se dërgesat e grurit do të vazhdojnë siç ishte planifikuar më parë” u shpreh Erdogan.

Presidenti turk bisedoi me Vladimir Putinin menjëherë pas njoftimit se Moska do të tërhiqej.

Kremlini konfirmoi se Rusia ra dakord të ribashkohej me marrëveshjen me kushtin e garancive të sigurisë nga Ukraina.

“Federata Ruse beson se garancitë e marra në këtë pikë janë të mjaftueshme dhe rifillon zbatimin e marrëveshjes – nisma për transportin e sigurt të drithit dhe ushqimit nga portet ukrainase. Iniciativa e pezulluar pas sulmit terrorist në Sevastopol”, theksoi zëdhënësi i Ministrisë së Mbrojtjes Ruse.

Bllokada ruse ka shkaktuar mungesa ushqimesh në botë dhe rritje të çmimeve, pasi Ukraina dhe Rusia janë ndër furnizueset më të mëdha në botë të drithërave.

• Tragjike në Afrikë, 21 trupa u gjetën brenda një miniere të jashtëligjshme
• Franca hap minierën e litiumit, mund të furnizojë 700.000 bateri makinash në vit
• Spanja, Franca dhe Portugalia marrëveshje për ndërtimin e tubacionit të gazit