EULEX arreston ish-kryeparlamentarin e Kosovës Jakup Krasniqin

Ish-kryetari i Kuvendit të Kosovës, Jakup Kransiqi është arrestuar nga forcat e EULEX. Lajmi konfirmohet nga avokati i z. Krasniqi, i cili shton se klienti i tij do të dërgohet në Hagë dhe shumë shpejt do të përcaktohet data se kur do mbahet seanca për të.

Gjatë ditës së sotme, dy shtëpitë e ish-kryetarit të Kuvendit të Kosovës janë rrethuar dhe kontrolluar nga forcat speciale të EULEX-it dhe Policisë së Kosovës.

Me dhjetëra trupa policore, të armatosura rëndë kanë bllokuar rrugën, duke mos lejuar edhe lëvizjet e familjarëve. Këta të fundit, kanë shprehur shqetësimin e tyre, pasi nuk dinë se çfarë po ndodh.

Megjithatë, dyshimet e tyre bien mbi rolin dhe veprimtarinë që Krasniqi ka pasur në UÇK, gjatë periudhës së luftës.

Mbi operacionin që u zhvillua në Prishtinë, ku ndodhet njëra shtëpi dhe në fshatin Negrovac të komunës Drenas, ku ndodhet shtëpia tjetër, u shpreh edhe Gjykata Speciale, duke komentuar se ky kontroll në banesën e Jakup Krasniqit, është duke u kryer me urdhër të Prokurorit të Zyrës së Specializuar, në bashkëpunim me Policinë e Kosovës dhe EULEX.

Lexoni gjithashtu: 

Bastiset shtëpia e Jakup Krasniqit

Kryeministri Avdullah Hoti reagon pas bastisjes së shtëpisë së Jakup Krasniqit