Euro dhe paundi britanik u zhvlerësuan në nivele rekord karshi dollarit amerikan. Monedha e përbashkët europiane u këmbye në hapje të tregjeve aziatike me 0.97 dollarë, niveli më i ulët në dy dekada.
Rënia reflekton frikën e tregjeve se Eurozona po shkojnë drejt recesionit ekonomik. Një tjetër arsye është rezultati e zgjedhjeve në Itali, ekonomia e tretë më e madhe e BE-së.
Zgjedhjet u fituan nga qendra e djathtë, e drejtuar nga Georgia Meloni. Meloni ka vënë në pikëpyetje masat antikrizë të unionit. Me marrjen e pushtetit nuk përjashtohet mundësia që të shfuqizojë disa vendime të qeverisë së Mario Draghit, si dhe të zbusë sanksionet ndaj Rusisë.
Paundi u këmbye me 1.03 dollarë, niveli më i ulët në 50 vitet e fundit, pas vendimit të qeverisë së Liz Truz për shkurtimin e taksave, si pjesë e një pakete prej 45 miliardë paundësh për të ndihmuar ekonominë.
Tregjet e kanë reflektuar negativisht këtë vendim mes frikës se Britania e Madhe do të rrisë huamarrjen për të kompensuar mungesën e të ardhurave në buxhet nga shkurtimi i taksave.
LEXONI GJITHASHTU: