Ruja Ignatova, e njohur edhe si “mbretëresha e kriptomonedhave”, është vendosur në listën e 10 më të kërkuarve të FBI-së.

Gruaja bullgare, që besohet të jetë rreth të 40-ave, kërkohet për rolin e saj të dyshuar në drejtimin e një mashtrimi me kriptomonedha të njohur si OneCoin.

Hetuesit federalë akuzojnë të arratisurën se ka përdorur një skemë për të mashtruar viktimat për më shumë se 4 miliardë dollarë (3.2 miliardë paund).

Ajo është zhdukur që nga viti 2017, kur zyrtarët amerikanë nënshkruan një urdhër arresti.