Fëmijët duhet të kenë mbiemrat e të dy prindërve, gjykon Kushtetuesja italiane

Gjykata Kushtetuese e Italisë ka vendosur se fëmijët duhet të marrin që në lindje mbiemrat e të dy prindërve të tyre.

Vendimi i së mërkurës rrëzon traditën historike të vendosjes së mbiemrit të babait tek të sapolindurit.

Sipas Gjykatës, kjo normë është ‘diskriminuese dhe e dëmshme për identitetin’ e fëmijës, teksa shtoi se duhet të jenë të dy prindërit që do vendosin për mbiemrin.

Megjithatë, nëse nëna dhe babai janë dakord, fëmijët italianë do të mund të mbajnë vetëm një mbiemër.

Tashmë, i takon parlamentit italian të miratojë legjislacionin e ri për t’iu përshtatur vendimit të gjykatës.

“Kjo është një çështje që është zvarritur nga një mandat parlamentar në tjetrin”, thotë Renate Gebhard, liderja e partisë popullore të Tirolit të Jugut.

“Prindërit duhet të kenë përgjegjësi dhe të drejta të barabarta, boll më me diskriminime penalizuese ndaj nënave dhe fëmijëve”, tha Laura Boldrini, deputetete e partisë demokratike.

Ministrja për Familjet Elena Bonetii tha në Facebook se qeveria do e mbështesë plotësisht ligjin e ri.

LEXONI GITHASHTU:

• Shtohen rastet me hepatit akut te fëmijët, sipas OBSH-së
• Lufta e Rusisë ka vrarë të paktën 213 fëmijë, sipas Ukrainës
• Pa para në gjykatë, historia e nënës që ngulmon për kujdestarinë e fëmijëve