Fermerët grekë kërkojnë mbështetje për rritjen e çmimit të energjisë

Për javë të tëra, traktorët ndalojnë përgjatë autostradave të Greqisë, ndërsa fermerët të dëshpëruar të gjendur mes çmimeve të larta të energjisë kërkojnë ndihmë financiare.

Goditja nga çmimet të larta të energjisë përkthehet në fatura të shtrenjta të shërbimeve dhe në rritje të çmimeve të ushqimeve pasi fermerët dhe supermarketet detyrohen të kalojnë kostot tek klientët.

“Vitin e kaluar, plehrat kimike kushtuan 500 euro për ton. Këtë vit, blerja e tyre kushton rreth 1.700 deri në 1.800 (euro) për ton. Të gjitha këto rritje kanë  ndodhur sepse çmimet e gazit natyror dhe të naftës janë rritur. Me naftën 1.60 euro (1.82 dollarë për litër), është shumë e vështirë. Kemi shumë shpenzime bujqësore dhe na duhet karburant në baza ditore”, shprehet një fermer 25-vjeçar.

Çmimet e larta të energjisë, po nxisin shifra të larta inflacion. Kjo situatë po ndihet në të gjithë Evropën dhe në mbarë botën, duke shtuar stres financiar mbi qeveritë, familjet dhe bizneset.

Ashtu si shumë anëtarë të tjerë të Bashkimit Evropian, Greqia ka nxituar me subvencione, ulje taksash dhe masa të tjera të përkohshme për të ndihmuar familjet të paguajnë faturat e energjisë elektrike.

Megjithatë, perspektivat për ndihmë në terma afatgjatë janë të dyshimta. Ndryshimet e shpeshta të motit ekstrem, pandemia, ndikimi i krizës Ukrainë-Rusi në çmimet e energjisë, ndërkohë, vazhdojnë të përkeqësojnë ankthin e tregut dhe të konsumatorëve.