Finlanda dhe SHBA arrijnë një marrëveshje për bashkëpunimin në mbrojtje

Finlanda dhe Shtetet e Bashkuara të Amerikës kanë arritur një marrëveshje për bashkëpunimin në mbrojtje, njoftoi sot Ministria e Punëve të Jashtme të Finlandës.

“Negociatat përfunduan në një frymë pozitive”, tha kryenegociatori finlandez nga Ministria e Punëve të Jashtme, Mikael Antel.

Marrëveshja duhet të miratohet nga parlamenti finlandez, pas së cilës do të publikohet përmbajtja e saj, raporton shërbimi publik finlandez YLE. Mediat më herët njoftuan se marrëveshja do të mundësojë operacionin e trupave amerikane në Finlandë, si dhe do t’i lejojë ata të përdorin disa baza ushtarake në vend, aeroporte dhe porte.

Bisedimet mes dy palëve zgjatën më shumë se një vit. Shtetet e Bashkuara kanë marrëveshje të tilla me më shumë se 20 vende dhe zyrtarët finlandezë shpresojnë se bashkëpunimi i ngushtë me Uashingtonin do të forcojë sigurinë e Finlandës dhe se marrëveshja do të nënshkruhet para përfundimit të vit. Në prill të këtij viti, Finlanda u bë anëtarja e 31-të e plotë e NATO-s.