Finlanda mur miliona eurosh me Rusinë

Finlanda është afër miratimit të vendimit për ndërtimin e një gardhi përgjatë pjesëve të kufirit të saj me Rusinë.

Kryeministrja Sanna Marin thotë se ka një mbështetje në rritje ndërpartiake e ndaj idesë e cila është fuqizuar që nga pushtimi i Ukrainës nga Rusia.

Helskinki është i shqetësuar për migrimin e mundshëm në shkallë të gjerë dhe të paligjshëm ndërkufitar.

Finlanda dëshiron të ndërtojë seksionin kryesor të gardhit të propozuar në juglindje të saj, ku zhvillohet pjesa më e madhe e trafikut kufitar.

“Ne duam të sigurojmë që të kemi mbështetje të mjaftueshme për forcat tona të rojës kufitare për të kryer kontroll efektiv dhe të përshtatshëm kufitar. Përveç kësaj, ne duhet të jemi të përgatitur për çdo situatë përçarëse”, u shpreh Sanna Marin, kryeministre e Finlandës.

Kostoja e gardhit vlerësohet të shkojë në qindra miliona euro dhe ndërtimi do të zgjasë rreth tre deri në katër vjet.

LEXONI GJITHASHTU:

• Finlanda mbyll kufirin për turistët rusë
• Finlanda redukton vizat turistike për rusët