Franca heq rregullin për mbajtjen e maskës në ambiente publike

Franca ka shfuqizuar vendimin që kishte bërë të detyrueshëm mbajtjen e maskave në vende publike, si dhe do të heqë orën policore shumë më parë nga sa ishte planifikuar.

Ka qenë Kryeministri Jean Castex ai që ka njoftuar ndryshimin e masave gjatë së mërkurës.

Mbajtja e maskës nuk do të jetë më e detyrueshme që nga e enjtja, ndërsa ora policore do të hiqet të dielën, dhjetë ditë më herët nga plani fillestar.

Franca ka regjistruar mesatarisht 3,900 raste të reja, një rënie drastike nga shifrat që shkonin deri në 35 mijë të raportuara gjatë marsit dhe prillit.

Rreth 28 për qind e popullsisë së rritur të vendit ka marrë të paktën një dozë të vaksinës.

Të martën, Bashkimi Europian miratoi programin e vaksinimit për moshat 12-18, për të ndihmuar në imunizimin e plotë të vendeve të anëtare teksa heqin masat kufizuese në mënyrë graduale.

Lexoni gjithashtu

• Bashkimi Europian heq kufizimet e udhëtimeve për Shqipërinë
• Cilat shtete europiane kanë më pak kufizime për udhëtimet?
• Lehtësimi i kufizimeve, në Francë hapen palestrat. Fluks kërkesash për certifikatën e vaksinimit