Francë, dy të lënduar pas sulmit me thikë pranë ish-zyrave të Charlie Hebdo

Dy persona kanë mbetur të plagosur rëndë pas një sulmi me thikë në Paris pranë ish-zyrave të revistës satirike Charlie Hebdo, njoftojnë burime policore për Euronews.

Më herët policia njoftoi se kishin qenë 4 persona të plagosur.

Një prej të dyshuarve është arrestuar pranë qendrës së Parisit, njofton policia. Ndërsa më herët raportuan se 2 të tjerë janë ende në kërkim.

Prokurori ndërkombëtar i anti-terrorit do të hetojë rastin, sipas AFP, ndërsa zyra e prokurorit të Parisit konfirmoi se është hapur një çështje për “tentativë vrasje”.  

“Duke marrë shkas nga vendi dhe koha ku ndodhi sulmi, përpara godinës ku ka qenë redaksia e Charlie Hebdo, duket se ka qenë një dëshirë të qartë nga agresori për të vrarë dy personat”, shtoi prokurori i Parisit.

Mediat franceze raportojnë se dy të personat e lënduar janë punonjës në kompaninë “Premières Lignes”.

Paul Moreira, gazetar në kompaninë “Premières Lignes”, tha për televizionin lokal BFM-TV se të plagosurit ishin punonjës të rinj dhe në momentin e sulmit ishin duke qëndruar jashtë godinës. Ai tha se kompania nuk ka marrë kërcënime më parë.

Zona është rrethuar nga policia pasi në vendngjarje është spikatur dhe një pako e dyshimtë. Po ashtu është zbuluar dhe një thikë e mprehtë pranë stacionit të metrosë.

Kryeministri francez Jean Castex tha në Twitter se po shkonte tek Ministria e Brendshme për të marrë më shumë të dhëna për situatën. 

Une attaque à l’arme blanche a été perpétrée à proximité des anciens locaux de l’hebdomadaire Charlie Hebdo.
Je me rends immédiatement place Beauvau pour faire un point sur la situation avec le ministre de l’Intérieur @GDarmanin.

— Jean Castex (@JeanCASTEX) September 25, 2020

Më 7 janar 2015, dymbëdhjetë persona mbetën të vdekur pas një sulmi terrorist brenda ambienteve të revistës.

Ndërkohë, që në Francë po zhvillohet gjyqi për 14 personat e përfshirë në sulmin terrorist në selinë e Charlie Hebdo.

Deri më tani motivi është i paqartë dhe nuk dihet ende nëse ngjarja ka lidhje me sulmin e vitit 2015.

Autoritetet lokale i kanë bërë thirrje qytetarëve që të shmangin lëvizjet përreth kësaj zone dhe se po vijon operacioni policor për të arrestuar agresorin.

Zëvendës kryetari i bashkisë Emmanuel Gregoire tha në Twitter se policia është në kërkim “të një individi të rrezikshëm”.

“Nuk ka vend për terror në Europë”

Politikanët kanë reaguar të tronditur dhe të trishtuar pas lajmeve për sulmin.

Presidenti i Këshillit, Charles Michel, shkroi në Twitter se lutjet e tij shkojnë për viktimat, duke shtuar se “terrori nuk ka vend në territorin europian”.

Nouvelle attaque à l’arme blanche devant les anciens locaux de #CharlieHebdo.

Toutes mes pensées vont aux victimes de cet acte de violence lâche.

La terreur n’a pas de place sur le territoire européen.

Pleine solidarité avec le peuple français dans cette nouvelle épreuve.

— Charles Michel (@eucopresident) September 25, 2020

Presidentja e rajonit, Valérie Pécresse, tha se ishte “tërësisht e tronditur nga sulmi pranë ish-zyrave të CharlieHebdo, një lagje e Parisit që ka paguar një çmim të shtrenjtë nga dhuna e terrorizimit”.