Frika nga lija e majmunit, kompania gjermano-daneze rrit prodhimin e vaksinës

Prodhuesi i vetëm në botë i vaksinës kundër lisë së majmunit, kompania gjermano-daneze “Bavarian-Nordic” po intensifikon prodhimin e saj për të plotësuar kërkesën globale.

Lëvizja vjen pasi autoritetet shëndetësore në Evropë, por edhe ato në Shtetet e Bashkuara porositën disa qindra mijëra doza shtesë nga grupi me seli në Kopenhagën.

“Mendojmë se e kemi situatën nën kontroll. Po monitorojmë me kujdes kërkesën globale dhe kemi një task forcë të brendshme që po shqyrton të gjitha kërkesat në ardhje. Ndaj mund të them se e kemi situatën nën kontroll”, u shpreh zv.president i “Bavarian Nordic”,  Rolf Sass Sørensen.

Që nga rënia e tij më 1 janar, virusi është përhapur në vende të shumta të Evropës dhe numri i rasteve të infektimit ka ardhur në rritje.

Deri më 22 qershor kanë qenë 3 mijë e 413 rastet e konfirmuara dhe vetëm një vdekje, e raportuar në Organizatën Botërore të Shëndetësisë nga 50 vende.

LEXONI GJITHASHTU

• Mbërrijnë në Shqipëri testet e para për linë e majmunëve
• OBSH: Lija e majmunëve nuk përbën ende një emergjencë shëndetësore globale