Frontex akuzohet për kthimin e paligjshëm të emigrantëve nga Greqia në Turqi

Agjencia Evropiane e Mbrojtjes së Kufijve, Frontex mbuloi shumë incidente të kthimit të paligjshëm të emigrantëve nga Greqia në Turqi.

Zyrtarë të lartë të agjencisë kryen “sjellje të pahijshme  dhe parregullsi ” duke mbuluar ose duke mos hetuar siç duhet shkelje të tilla të të drejtave të njeriut.  Këtë nxjerr në pah raporti i OLAF mbikëqyrësi kundër mashtrimit pjesë e Bashkimit Europian.

“Duke bërë këtë, ata penguan kapacitetin e Frontex për të përmbushur plotësisht përgjegjësitë e tij, përkatësisht sigurimin e mbrojtjes dhe promovimit të të drejtave themelore”, thuhet në raport.

Më 5 gusht 2020, një anëtar i Frontex raportoi shqetësimet e tij në një email pasi një avion i Frontex dëshmoi se autoritetet greke detyronin një varkë emigrantësh të kthehej në ujërat turke.

Frontex koordinon operacionet e kërkim-shpëtimit dhe përgjimit të kufijve në emër të 27 vendeve të BE-së.

Kthimet me forcë i njerëzve përtej kufirit ndërkombëtar pa një vlerësim të të drejtave të tyre për të aplikuar për azil ose mbrojtje tjetër, shkelin ligjin ndërkombëtar dhe atë të BE-së.

LEXONI GJITHASHTU

• Fluks aplikimesh për lotarinë amerikane, të rinjtë shkodranë me sytë nga emigracioni
• Qyteti i Nju Jorkut shpall emergjencë për ‘krizën’ e emigrantëve
• Greqia shpëton 30 emigrantë pasi një varkë u fundos në ishullin Kythira