G7 do dhurojë një miliard vaksina deri në fund të 2022, konfirmon kryeministri Johnson

Kombet e G7 kanë rënë dakord për shpërndarjen e mbi një miliard vaksinave anti-COVID në mbarë botën, duke nisur tani e deri në fund të 2022, me shpresën se ky veprim do të zhdukë pandeminë, deklaroi kryeministri Boris Johnson të dielën.

Në një konferencë për shtyp pas përfundimit të samitit, kryeministri britanik shtoi se liderët e ekonomive më të mëdha të botës janë zotuar për ndërmarrjen e kësaj lëvizje përmes financimeve ose nëpërmjet mekanizmës COVAX.

Më herët, Fondi Monetar Ndërkombëtar (FMN) dhe Organizata Botërore e Shëndetësisë paralajmëruan liderët e G7 se strategjia e tyre për të “ndihmuar në mundjen e pandemisë nuk është e mjaftueshme”.

Të shtunën, kreu i OBSH Tedros Adhanom Ghebreyesus paralajmëroi se duhen 11 miliardë doza, shumë më pak nga sa ishin zotuar krerët e vendeve të G7.

Lexoni gjithashtu

• “Strategjia globale e G7 pa detyrime të mbarsura si Kina”, deklaron Von der Leyen për Euronews
• Samiti i G7 prezanton sfidat, zotim për të mbrojtur mjedisin, në agjendë raportet me Kinën
• Nis sot në Britani të Madhe Samiti i G7, temat kyçe që pritet të diskutohen