Gazetarët e huaj në Kinë përballen me pengesa

Gazetarët e huaj në Kinë përballen me pengesa ndërkohë që liria e medias bie me shpejtësi të jashtëzakonshme, thuhet në një raport të ri.

99 për qind e gazetarëve që iu përgjigjën një sondazhi vjetor të Klubit të Korrespondentëve të Huaj të Kinës,  thanë se “kushtet e raportimit nuk plotësonin ato që ata konsideronin si standarde ndërkombëtare”.

Zëdhënësi i Ministrisë së Jashtme të Kinës ka thënë më parë se organizata që përfaqëson gazetarët e huaj ishte “ilegale”.

Gazetarët thanë se COVID-19 është përdorur shpesh nga autoritetet për t’i bllokuar ata nga raportimi ose për të vonuar miratimin e vizave për gazetarët e huaj.

Më shumë se gjysma e gazetarëve të huaj të anketuar thanë se ishin detyruar të largoheshin nga një vend ose u ishte mohuar aksesi për shkak të masave shëndetësore dhe 46% e të anketuarve thanë se zyrat e tyre kishin mungesë të personelit sepse nuk mund të sillnin gazetarë të rinj.

Ky raport vjen pikërisht në kohën kur Pekini përgatitet për Lojërat Olimpike Dimërore dhe raportimet ndërkombëtare nuk do të mungojnë.

LEXONI GJITHASHTU:

• Gazetarët fitues të Çmimit Nobel për Paqe: Të luftojmë për demokraci