Gjashtë të vdekur pas rrëzimit të helikopterit në Katar, hetimet vazhdojnë

Ministria e Brendshme e Katarit njoftoi se gjashtë persona u gjetën të vdekur pas rrëzimit të një helikopteri, ndërsa një person mbetet i zhdukur.

Në një deklaratë të publikuar në platformën X, ministria tha se “operacionet e kërkim-shpëtimit” në ujërat territoriale të vendit kishin gjetur gjashtë nga shtatë personat në bord.

Ajo shtoi se ekipet e specializuara po vazhdonin përpjekjet intensive për të gjetur personin e fundit të zhdukur. Ministria shprehu ngushëllimet e saj familjeve të viktimave.

Rrëzimi, sipas Al Jazeera, u shkaktua nga një problem teknik me helikopterin.