Gjeorgjia pritet të votojë për ligjin e diskutueshëm që shkaktoi protesta masive

Parlamenti i Gjeorgjisë pritet të japë miratimin përfundimtar për një ligj të diskutueshëm për “agjentët e huaj” që ka shkaktuar javë protestash masive në rrugë.

Kritikët e partisë qeverisëse Ëndrra Gjeorgjiane thonë se projektligji – të cilin ata e quajnë “ligji i Rusisë” – mund të përdoret për të shtypur mospajtimin.

Ata kërkojnë që qeveria të anulojë planet dhe një protestë pritet të rifillojë së shpejti jashtë parlamentit.

Votimi pritet të bëhet në orën 12:00. Kryeministri i vendit, Irakli Kobakhidze, është zotuar se ligji do të kalojë.

Të hënën, Kobakhidze paralajmëroi gjithashtu se nëse autoritetet tërhiqen në leximin e tretë të projektligjit, Gjeorgjia do të humbiste sovranitetin dhe “lehtë do të ndajë fatin e Ukrainës”, pa detajuar se çfarë do të thoshte.

Komentet e tij erdhën ndërsa dhjetëra mijëra demonstrues, shumë prej tyre studentë, u mblodhën jashtë parlamentit në Tbilisi për natën e tretë të protestave.

Fotot dhe pamjet e postuara në internet ditët e fundit duket se tregojnë përleshje të dhunshme mes protestuesve dhe policisë.

LEXONI GJITHASHTU:

• Dhunë në protestat kundër ligjit për “agjentët e huaj” në Gjeorgji
• Vazhdojnë protestat kundër projektligji për “agjentët e huaj” në Gjeorgji