Gjermania drejt Hënës: Historia mund të shkruhet sërish

Njerëzit pritet të kthehen në Hënë në vitin 2027, pjesë e programit Artemis të NASA-s. Një mision në Hënë shihet jo vetëm si përparim shkencor, por edhe si një shenjë e udhëheqjes teknologjike dhe fuqisë gjeopolitike. Një prezencë e përhershme në Hënë mund të ndikojë në përdorimin e burimeve, standardet hapësinore dhe bashkëpunimin ndërkombëtar.

Evropa, dhe veçanërisht Gjermania, synon të ketë një rol të rëndësishëm. ESA ka zhvilluar modulën evropiane të anijes Orion, e ndërtuar kryesisht në Gjermani. Katër astronautë gjermanë -Alexander Gerst, Matthias Maurer, Amelie Schoenenwald dhe Nicola Winter -shpresojnë të marrin pjesë në mision.

Aktualisht, Gerst dhe Maurer janë kandidatët më të fortë, pasi kanë përvojë në hapësirë, një kriter i domosdoshëm për një fluturim në Hënë.

Një astronaut europian në Hënë do të kishte rëndësi simbolike për pavarësinë teknologjike të Evropës dhe rolin e saj si lojtar i pavarur në hapësirë.

Gjermania është kontribuesi më i madh në ESA, me 5.1 miliardë euro, dhe synon të jetë në krye të inovacionit hapësinor. Ministrja Dorothee Bär e quan hapësirën “Made in Germany” dhe investimi në këtë fushë shihet si një investim për të ardhmen, si dhe për sovranitetin dhe sigurinë evropiane.

Ndërkohë, Rusia po përballet me vonesa dhe probleme financiare, ndërsa Kina po zhvillon programin e saj hapësinor me ritme të shpejta dhe synon një mision të pilotuar në Hënë deri në 2030. Për Gjermaninë, udhëtimi mund të fillojë që në 2026, fillimisht me pjesëmarrje teknologjike dhe simbolike, siç është maskota e dizajnuar nga italiania Giulia Bona që mund të fluturojë me misionin Artemis 2. Ky hap do të shënonte një moment historik për Gjermaninë dhe Evropën në garën e re hapësinore.