Kancelarja gjermane Angela Merkel ka vendosur të marrë masa të reja kufizuese pasi numri i viktimave në vend ka shkuar më shumë se 35 mijë.

Kancelarja u takua me guvernatorët e 16 landeve për të vendosur kohëzgjatjen e masave të reja dhe nëse shkollat do të qëndrojnë të mbyllura.

Shumica e dyqaneve jo-ushqimore, baret, restorantet dhe do të qëndrojnë të mbyllura, tha Merkel.

“Duhet të reduktojmë edhe më shumë kontaktet sociale për të luftuar pandeminë”, shtoi kancelarja gjermane.

Së pari, Gjermani mori një sërë masash në 16 dhjetor, pas dështimit të mbylljes së pjesshme e cila nuk ia arriti që të reduktojë shifrat e reja të infektuarve.

Të martën, agjencia e kontrollit të sëmundjeve të Gjermanisë raportoi për 11.897 raste të  reja në 24 orët e fundit.

Kjo e vendos Gjermaninë në vend të pestë në Europën Perëndimore, pas Mbretërisë së Bashkuar, Francës, Italisë dhe Spanjës.

Të martën vendi raportoi 944 të vdekur nga COVID-19, ndërsa numri i viktimave që prej fillimit të pandemisë është 35.518.

Gjermania nisi fushatën e vaksinimeve më 26 dhjetor dhe deri më tani janë vaksinuar rreth 265 mijë qytetarë.

Lexoni gjithashtu

• Qytetarët gjermanë shkelin rregullat, Policia bastis resortin e skive
• Merkel: 2020-ta, viti im më i vështirë, kurrë nuk e kam pritur një vit të ri me kaq shpresë