Gjermania pranon të kompensojë 6.500 të mbijetuar të tjerë të Holokaustit

Qeveria gjermane ka rënë dakord të japë kompensim edhe për 6.500 të tjerë të mbijetuar nga Holokausti.

Kjo vendim u dha në  Konferencën mbi “Kërkesat Materiale Çifute Kundër Gjermanisë”, e referuar edhe si Konferenca e Kërkesave.

Të mbijetuarit hebrenj tani do të fillojnë të marrin një pension të përjetshëm, mujor prej 375 euro.

Ata janë afërsisht 4.500 hebrenj që i mbijetuan rrethimit të Leningradit gjatë Luftës së Dytë Botërore. 1.200 të mbijetuar janë nga Rumania dhe 800, të cilët jetuan të fshehur në Francë gjatë mbretërimit të terrorit nazist.

“Ky ishte një përparim historik,” tha Greg Schneider, nënkryetar ekzekutiv i Konferencës së Kërkesave, për marrëveshjen e re të negociuar të kompensimit me qeverinë gjermane.

Rrethimi i Leningradit, qytetit rus që tani quhet Shën Petersburg, zgjati gati dy vjet e gjysmë derisa ushtria sovjetike mundi të largonte gjermanët më 27 janar 1944.

Vlerësimet për numrin e të vdekurve ndryshojnë, por historianët pajtohen se më shumë se 1 milionë banorë të Leningradit vdiqën nga uria ose bombardimet ajrore dhe artilerie gjatë rrethimit.

LEXONI GJITHASHTU:

• Gjermani, Partia e Gjelbër e gatshme për koalicion me SPD dhe Liberalët
• Partitë e vogla në Gjermani kërkojnë dy ditë kohë për reflektim
• Parlamenti në Bjellorusi pezullon marrëveshjen me BE-në për tërheqjen e emigrantëve