Gjermania pret refugjatët ukrainas, mbi 2 mijë pritet të mbërrijnë në total

Një grup prej 134 refugjatësh ukrainas mbërriti në Frankfurt me avion nga Moldavia. Ata janë të parët e rreth 2.500 refugjatëve që pritet të mbërrijnë në Gjermani nga ish-republika sovjetike.

Ministrja e Jashtme gjermane, Annalena Baerbock deklaroi se në Evropë janë 14 mijë streha për të pritur refugjatët.

Brenda tre javësh, mbi 2 milionë refugjatë nga Ukraina kanë mbërritur në Poloni. Kalimi i Medikës është populluar më shumë se kurrë. Agjencia e OKB për refugjatët, UNHCR, ka punuar me autoritetet lokale dhe shoqërinë civile për t’u siguruar mbështetje maksimale njerëzve.

Refugjatët me kërkesa të veçanta, si ata me aftësi të kufizuara dhe probleme shëndetësore janë në qendër të vëmendjes.

“Mbrojtja është thelbësore. Kryesorja është që njerëzit që largohen nga situata të rrezikshme, ku jeta e tyre ka qenë në rrezik, të kenë akses në ambiente të sigurta. Por ata kanë edhe nevoja të tjera që kërkojnë vëmendje. Kur mbërrijnë, disa prej tyre mund të kenë probleme të caktuara të cilat duhen marrë parasysh. Po shohim shumë njerëz me aftësi të kufizuara që po vijnë. Ata kërkojnë asistencë të posaçme dhe madje trajtim mjekësor”, u shpreh Shabia Mantoo, zëdhënëse e UNHCR-së.

Ndërkohë, tre herë në javë, një tren i posaçëm i hekurudhave gjermane niset nga Berlini për të çuar ndihma për qytetarët që kanë mbetur në Ukrainë.

LEXONI GJITHASHTU:

• ‘Objektivat u arritën’, ushtria ruse fokusohet tek rajoni i Donbasit
• Luftime në Ukrainë, autoritetet shifra kontradiktore për numrin e viktimave
• Biden viziton sot refugjatët ukrainas në kufirin me Poloninë