Gjermania tërheq trupa nga Lindja e Mesme, evakuohen stafi i ambasadës gjermane në Bagdad

Gjermania ka tërhequr trupa shtesë të Bundeswehr-it nga Lindja e Mesme, ndërsa personeli nga ambasada gjermane në Bagdad po transferohet në Jordani. Sipas Rrjetit RND, për shkak të përshkallëzimit të ri në rajon, ushtarët e stacionuar në Bagdad po tërhiqen, si dhe anëtarët e stafit të ambasadës gjermane në kryeqytetin irakian.

Siç raporton Reutters, qeveria federale informoi kryetarët e komisioneve përkatëse të Bundestagut më herët sot për këtë lëvizje.

Ushtarët dhe punonjësit e misionit diplomatik gjerman do të transferohen në Jordani, ku janë të stacionuar dy avionë transporti ushtarak A400M, të cilët do t’i riatdhesojnë ata.

Ushtarët e Bundeswehr-it janë kthyer tashmë në Gjermani nga Bahreini, ndërsa po bëhen përgatitje për tërheqjen e forcave nga Kuvajti, si dhe nga UNIFIL në Liban.

Gjatë fundjavës, sulmet iraniane shënjestruan kampe shumëkombëshe në Irakun verior dhe Jordani, të cilat gjithashtu strehojnë forca të Bundeswehr-it. Përpara sulmeve SHBA-Izrael ndaj Iranit, më shumë se 500 ushtarë gjermanë shërbenin në Lindjen e Mesme.

Ndërkohë, Zvicra po e mban të hapur ambasadën e saj në Teheran, me gjashtë shtetas zviceranë dhe 18 staf vendas. Megjithatë, katër shtetas zviceranë u larguan nga Irani të martën e kaluar.