Gjyqi për George Floyd, ish-polici i akuzuar për vrasje refuzon të dëshmojë në gjyq

Ish-oficeri i policisë së Mineapolisit, i akuzuar për vrasjen e George Floyd, nuk do të dëshmojë në mbrojtjen e tij.

Sipas ekspertëve, nuk është e pazakontë që një i dyshuar të refuzojë dëshminë, të cilat janë mbyllur pasi procesi nisi dy javë më parë.

Ky është dhe momenti kur Derek Chauvin citoi amendamentin e pestë.

“A e keni marrë vendimin nëse do të dëshmoni apo nëse keni ndërmend të citoni privilegjin për të mos dëshmuar?”, u shpreh Eric Nelson, avokati mbrojtës.

“Do t’i referohem privilegjit të amendamentit të pestë”, u përgjigj Derek Chauvin, ish-oficer policie, Mineapolis.

Gjyqtari e pyeti Chauvin për t’u siguruar që vendimin ishte i tij.

“A ju ka premtuar dikush diçka, apo ju ka kërcënuar që të mos dëshmoni?”, e pyeti Peter Cahill, gjyqtar i çështjes ‘Floyd’.

“As premtime, as kërcënime, zoti gjykatës”, u përgjigj Derek Chauvin.

“Jeni i sigurt që vendimi për të mos dëshmuar është marrë në mënyrë vullnetare nga ana juaj?”, vijoj më tej Peter Cahill, gjyqtar i çështjes ‘Floyd’.

“Po, shumë i sigurt”, tha Derek Chauvin.

Anëtarët e jurisë u urdhëruan të kthehen në gjykatë të hënën për të mbyllur argumentet. Gjyqtari u kërkoi atyre të përgatiten mirë.

Lexoni gjithashtu:

Gjyqi për George Floyd, dëshmia e mjekut: Nuk vdiq nga mbidoza, por mungesa e oksigjenit

“Chauvin shkeli rregulloren”, rëndohen akuzat mbi ish-oficerin e dyshuar për vrasjen e George Floyd