Gorilla sulmon kujdestaren në Kopshtin Zoologjik të Madridit

Një gorillë në Kopshtin Zoologjik të Madridit ka sulmuar kujdestaren duke e lënë atë me dy krah të thyer dhe dëmtime në kokë.

Gruaja 46-vjeçare ishte duke kryer një kontroll rutinë gjatë së dielës në mëngjes kur u përball me gorillën mashkull Malabo.

“Ekipit i kopshtit zoologjik ia doli që të largojë kafshën dhe më pas ekipi veterinar përdori anestetik për ta vënë në gjumë”, thuhet në deklaratën e Kopshtit Zoologjik të Madridit.

“Arsyet përse kafsha ia doli të kalojë zonën e sigurisë janë duke u hetuar, megjithatë hetimi gjyqësor do të zbardhë detajet konkrete”, thuhej më tej në deklaratë.

“Gorilla e shkundi kujdestaren por pa përdorur fuqinë e jashtëzakonshme që ka duke qenë se ka një peshë prej 200 kilogramësh”, thotë zëdhënësi i kopshtit. 

.@SAMUR_PC traslada grave al Clínico a una cuidadora del Zoo de 46 años que ha sido atacada por un gorila. @policiademadrid se ha hecho cargo de la investigación del accidente. pic.twitter.com/7fZmkvXSU5

— Emergencias Madrid (@EmergenciasMad) September 27, 2020

Kujdestarja, e cila është punonjëse prej 19 vitesh, është intubuar dhe është në gjendje kritike për jetën, lajmëruan shërbimet e emergjencës.

Ajo ka pësuar dëmtime në kokë dhe në kraharor si dhe fraktura të shumta në të dy krahët.

Kopshti zoologjik tha se Malabo është rritur nga kujdestarët që në lindje dhe është zakonisht “shumë i afërt me kujdestarët”.