Greqia thotë se ka rënë ndjeshëm numri i emigrantëve

Ministri grek i Migracionit tha se numri i emigratëve që kanë arritur në Greqi ka rënë në mënyrë dramatike gjatë dy vjetëve të fundit, teksa numri i azilkërkuesve që jetojnë në këtë shtet po ashtu ka rënë.

Duke folur gjatë një ngjarjeje të organizuar për trevjetorin e themelimit të fondacionit për emigrim dhe azil, ministri grek Notis Mitarachi, tha se politikat e Qeverisë së qendrës së djathtë kanë ndikuar që numri i emigrantëve të bie. Ai ndër të tjera përmendi rritjen e sigurisë kufitare, procedurat e shpejta të azilit dhe forcimin e ligjeve të emigracionit.

Më 2021, Greqi regjistroi numrin më të ulët të emigrantëve në dekadë, tha Mitarachi, duke shtuar se në këtë shtet kishin arritur 9.000 persona. Më 2015, ishte piku i krizës së emigrantëve, pasi qindra mijëra persona arritën në Greqi. Më pas, emigrantët vazhduan rrugën përmes shteteve të Ballkanit Perëndimor drejt shteteve të pasura evropiane, shkruan REL.

“Pas shpërthimit në periudhën 2015-2019, më 2021 ne regjistruam numrin më të ulët të migrantëve në dekadë, përkatësisht 8.745, dhe më 2022 numri ishte i vogël po ashtu”, tha Mitrachi. “Si rezultat i kësaj, në vend se në 121 ndërtesat që kemi për azilkërkues të strehoheshin 92.000 persona, sot kemi 14.000 azilkërkues të vendosur në 33 ndërtesa”.

LEXONI GJITHASHTU:

• Spahiu: Pse Shqipëria duhet të pranojë emigrantë të pasur dhe kualifikuar
• Biden viziton kufirin me Meksikën mes thellimit të krizës së migrantëve