Guterres: Do të mbledh një samit ambicioz për klimën në shtator 2023

Sekretari i Përgjithshëm i OKB-së Antonio Guterres tha sot në Nju Jork se do të thërrasë një samit për klimën për shtatorin e vitit të ardhshëm, ku do të diskutohen planet ambicioze për veprime konkrete për të parandaluar ngrohjen globale.

Guterres u bëri thirrje udhëheqësve të shtetit, përfaqësuesve të botës së biznesit, shoqërisë civile dhe financave që të përfshihen më shumë në luftën kundër ndryshimeve klimatike, sepse kjo është mënyra e vetme për të ndaluar ngrohjen globale, sipas planit, në 1.5 gradë Celsius.

Guterres, në një konferencë për shtyp në fund të vitit, tha se ai do të vazhdojë të angazhohet në kërkimin e paqes në Ukrainë në përputhje me ligjin ndërkombëtar dhe Kartën e Kombeve të Bashkuara.

Parimi kryesor i Kartës së themelimit të OKB-së është respektimi i sovranitetit dhe integritetit territorial, vuri në dukje Guterres, duke theksuar se ai nuk është optimist që negociatat e paqes për Ukrainën do të fillojnë në të ardhmen e afërt dhe beson se lufta do të vazhdojë.

Guterres, megjithatë, shprehu pritjen se paqja në Ukrainë do të arrihet vitin e ardhshëm, raportoi Reuters.