Hapet xhamia Al Aksa, besimtarët falen sërish dy muaj pas bllokadës
Qindra besimtarë myslimanë morën pjesë në faljen e së dielës ne xhaminë Al-Aksa në Jerusalem, për herë të parë pas dy muajve që nga përhapja e pandemisë Covid-19.
Autoritetet izraelite lejuan besimtarët të hynin në xhami nën masa të rrepta higjeno-sanitare, pas një rritjeje të numrit të të infektuarve në Izrael gjate ditëve të fundit.
Rikthimi i besimtarëve myslimanë në lokacionet e shenjta të Islamit, vjen pas përfundimit të muajit të shenjtë të ramazanit, i cili ndryshe nga vitet e tjera, këtë here u kremtua në kushtet e kufizimeve prej Pandemisë Covid-19.
Këshilli i Komunitetit Islamik, me anë të një komunikate për shtyp bëri të ditur se vendimi për hapjen e vendeve të shenjta, të cilat kanë qëndruar të mbyllura qe nga data 15 mars, u mor pas një rënieje të rasteve të të infektuarve.
Megjithatë, Këshilli Islamik, deklaroi se hapja e tyre u bë nën masa të rrepta higjeno-sanitare për të parandaluar krijimin e vatrave të reja të infeksionit.
Besimtarët duhet të mbajnë maska dhe të sjellin me vete shtrojet e faljes, nëse dëshirojnë të luten brenda në Xhami, ndërsa numri i besimtarëve duhet te jete i limituar për të bërë të mundur respektimin e distancës nga njeri tjetri.
Rreth 700 besimtarë ishin të pranishëm në lutjet e së dielës, teksa më herët gjatë ditës një grup hebrenjsh ortodoksë, të shoqëruar nga policia izraelite hynë në strukturat e shenjta nga ana perëndimore e Murit të Xhamisë.
Tajani: Është SHBA-ja ajo që “duhet ta ndalojë Izraelin” për paqen në LM
SHBA tërheq trupat nga Lituania
Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta