Harruan t’i lidhnin litarin e sigurisë, 24-vjeçarja humb jetën pas hedhjes nga lartësia në Brazil

Një 24-vjeçare humbi jetën tragjikisht të shtunën në Sao Paulo të Brazilit, pasi organizatorët e kërcimit me bungee harruan të lidhnin litarin e sigurisë.

Incidenti i rëndë ndodhi në zonën “Ponte do Esqueleto” (Ura e Skeleteve) në shtetin e Limeira. Gruaja ra nga platforma 40 metra e lartë pa qenë e lidhur me litarin.

Pamjet video të aksidentit tregojnë gruan duke e çuar në platformë dhe duke e shtyrë në boshllëk. Sekonda më vonë, kalimtarët e tmerruar dhe njerëzit që filmonin skenën vunë re litarin e lirshëm dhe mund të dëgjohen duke bërtitur. Gruaja vdiq menjëherë nga plagët fatale të shkaktuara nga rënia e saj në tokë.

Policia më pas arrestoi anëtarët e kompanisë që organizonte sporte ekstreme. Disa punonjës ikën në një zonë të pyllëzuar aty pranë, por u arrestuan më vonë pasi u pikasën nga një helikopter policie.