Hezbollah lëshon raketa dhe dronë në veri të Izraelit

Grupi militant libanez Hezbollah, i mbështetur nga Irani, njoftoi se ka kryer të hënën një sulm ndaj qytetit verior izraelit Nahariya.

Në një deklaratë, Hezbollahu tha se luftëtarët e tij e shënjestruan qytetin “me një breshëri raketash dhe një mori dronësh sulmi”.

Shërbimi izraelit i emergjencës Magen David Adom bëri të ditur se ekipet mjekësore në terren po trajtonin një burrë të plagosur nga shpërthimi.

Sipas njoftimit, i plagosuri ndodhet në gjendje nga e lehtë deri në të moderuar.