Holanda pezullon përdorimin e AstraZeneca për moshat nën 60 vjeç

Holanda ka vendosur të pezullojë përkohësisht përdorimin e vaksinës AstraZeneca për qytetarë nën moshën 60 si një masë “kujdesi paraprak”.

Në një deklaratë të bërë publike pasditen e sotme, Ministria e Shëndetësisë njoftoi se ka ndërmarrë vendimin pas një raporti nga organi këshillues Lareb mbi pesë gra në vend të cilat kishin pasur mpiksje gjaku pasi kishin marrë vaksinën.

Të gjitha rezervimet aktuale të qytetarëve nën moshën 60 që në pritje të vaksinës së prodhuar nga firma britaniko-suedeze do të anulohen deri në një njoftim të dytë.

Autoritetet holandeze kanë thënë se do të rishikojnë vendimin javën e ardhshme teksa presin një raport të përditësuar nga Agjencia Europiane e Barnave, i cili pritet të publikohet të mërkurën.

Lexoni gjithashtu

• Shënohet rasti i parë i mpiksjes së gjakut nga vaksina e “AstraZeneca” në RMV
• Vendimi i Gjermanisë për AstraZeneca-n, mjekja Dollenberg: Janë gjetur 7 raste me tromboza
• Kompania AstraZeneca ndërron emrin e vaksinës