Holandë, qëllohet me armë gazetari i njohur i kronikës

Amsterdami u trondit mbrëmjen e së martës teksa gazetari njohur i kronikës Peter Rudolf de Vries u qëllua me armë në qendër të Amsterdamit.

Policia tha se de Vries, 64 vjeç, u dërgua në gjendje të rëndë në spital, ndërsa mediat lokale raportuan se sulmi ndodhi pak minuta pasi ai kishte ndjekur një emision televiziv rreth orës 19:30.

Pamje të rënda të shpërndara në rrjetet sociale tregojnë se de Vries u qëllua në kokë.

Televizioni kombëtar holandez NOS citoi dëshmitarët okularë të thoshin se në atentat u dëgjuan pesë të shtëna.

Në një njoftim për shtyp në mbrëmje, policia tha se kishte shoqëruar të paktën tre persona – mes të cilëve dhe të dyshuarin si atentator.

Gjendja shëndetësore e gazetarit u tha se ishte e rëndë “në luftë për jetën”.

Laatste informatie rondom onderzoek neergeschoten misdaadverslaggever Peter R de Vries: 3 verdachten aangehouden. https://t.co/gr7Euq1WnK

— Politie Eenheid Amsterdam (@Politie_Adam) July 6, 2021

Në vitin 2019 De Vries deklaroi me një postim në Twitter se burime policore i kishin thënë se ishte vënë nën shënjestër nga disa grupe kriminale.

Gazetari 64-vjeçar njihet në Holandë pasi gjatë periudhës 1995-2012 ka drejtuar një emision hulumtues përmes së cilit mundohej të hidhte dritë mbi krimin e organizuar.

Në vitin 2008 ai fitoi çmim Emmy Award për dokumentarët e realizuar mbi zhdukjen e një adoleshenti amerikan në Karaibe.

De Vries njihet gjithashtu për punën hulumtuese në rastin e pengmarrjes së sipërmarrësit Fraddy Heineken në vitin 1983.

LEXONI GJITHASHTU:

• Britania e Madhe lehtëson kufizimet teksa rriten rastet me variantin “Delta”
• Çështja ‘Ibiza’, nis gjyqi ndaj ish-zëvendës kancelarit të Austrisë të akuzuar për korrupsion