Papa Françesku deklaroi gjatë një interviste të dhënë për Associated Press se “të jesh homoseksual nuk është krim”.

Ati i Shenjtë kritikoi ligjet që kriminalizojnë homoseksualitetin dhe i quajti ato “të padrejta”, duke thënë se “Zoti i do të gjithë fëmijët e tij ashtu siç janë”.

Papa i bëri thirrje të gjithë peshkopëve katolikë që pjesëtarët e komunitetit LGBTQI+ të pranohen në kishë.

Në ndërkohë qi pranoi se disa peshkopë në vende të ndryshme të botës mbështesin ligjet për kriminalizimin e homoseksualitetit.

“Këta peshkopë duhet të kenë një proces konvertimi”, tha Papa

“Butësi, ju lutem, siç ka Zoti për secilin prej nesh”, i këshilloi ai peshkopët gjatë meazhit të dhënë gjatë intervistës.

Sipas të dhënave 67 vende ose juridiksione në mbarë botën kriminalizojnë homoseksualitetin, 11 prej të cilave kanë dhe aplikimin e dënimit me vdekje.

LEXO GJITHASHTU:

• Papa Françesku e krahason luftën në Ukrainë me ‘krim kundër Zotit’
• Vjosa Osmani pritet nga Papa Françesku në Vatikan