‘I papërshtatshëm për detyrën’, Biden për Trump: Për një ‘impeachment’ të vendosë Kongresi

Presidenti i zgjedhur i Shteteve të Bashkuara, Joe Biden ka deklaruar se prej kohësh mendonte se presidenti Trump nuk ishte i përshtatshëm për Shtëpinë e Bardhë.

“Kam thuajse një vit që e them, ai nuk është i përshtatshëm për atë detyrë. Ai është një nga presidentët më të papërgjegjshëm në historinë e Shteteve të Bashkuara.

Dhe çështja nuk është mendimi im që ai të mos largohet nga zyra menjëherë. Çështja është çfarë do të ndodhë kur kanë mbetur këto pak ditë”, u shpreh Joe Biden, president i zgjedhur i SHBA.

Biden u tha gazetarëve se aktualisht është i fokusuar në frenimin e pandemisë së COVID-19, duke dhënë garancinë e tij për një vaksinim të shpejtë dhe nxitje të ekonomisë.

Ai shtoi se i takon Kongresit të vendosë për një inkriminim të dytë ndaj Trump pas mësymjes që mbështetësit e tij i bënë Kongresit ditën e mërkurë.

“Aktualisht jam i fokusuar tek virusi, vaksina dhe rritja ekonomike. Se çfarë do të bëjë Kongresi, kjo i takon atij të vendosë”, tha Biden.

Biden bëri thirrje për një hetim të ngjarjeve, ndërsa tha se zëvendës presidenti Mike Pence ishte i mirëpritur të ndiqte ceremoninë e përurimit të tij.