I shiti Bitcoin-at përpara fitores së Trump, qeveria gjermane humb 1.6 mld dollarë

Shteti gjerman shiti 4 muaj më parë 50,000 Bitcoin të sekuestruara nga kompania Movie2K për një shumë prej 2.88 miliardë dollarësh. Ky veprim i hershëm rezultoi në një humbje prej 1.6 miliardë dollarësh për shtetin gjerman, pasi çmimi i Bitcoin u rrit pas shitjes.

Kjo situatë ka nxitur debate në lidhje me strategjitë e qeverive për menaxhimin e aseteve të sekuestruara në formë kriptomonedhash. Po ashtu, qeveria e SHBA ka shitur gjithashtu Bitcoin të sekuestruara përmes 11 ankandeve, duke realizuar një fitim prej 16.6 miliardë dollarësh bazuar në çmimet aktuale të monedhës digjitale.

Qeveria gjermane realizoi shitjen e kriptovalutës me një çmim mesatar prej 57,600 dollarë për një Bitcoin. Pas kësaj, çmimi i Bitcoin arriti një rekord të ri prej 76,000 dollarësh dhe pas zgjedhjeve në SHBA, kaloi në 89,000 dollarë për një njësi.

Pas zgjedhjes së Donald Trump si president, Bitcoin shënoi rritjen më të madhe ditore në histori më 11 nëntor, e cila ngriti vlerën e Bitcoin-ve të shitur nga qeveria gjermane në 4.5 miliardë dollarë.

Në kundërshtim, administrata Trump vendosi të mbajë Bitcoin-ët e sekuestruara, duke krijuar një rezervë strategjike kombëtare në Bitcoin, një hap që mund të shënojë fillimin e një epoke të re në tregjet e kriptomonedhave.

LEXONI GJITHASHTU:

• Bitcoin kap nivelin historik, vlera e kriptomonedhës shkon 82,000 dollarë
• Bitcoin nuk “ndalet” pas fitores së Trump, shënon vlerën rekord