Ibrahimoviç rikthehet me kombëtare për sfidën ndaj Kosovës

Zlatan Ibrahimovic, i cili u tërhoq nga ekipi kombëtar i Suedisë në vitin 2016, është grumbulluar nga përfaqësuesja nordike për tre sfidat e radhës, përfshi atë ndaj  Kosovës që do të zhvillohet më 31 mars

Zlatan Ibrahimoviç rikthehet në kombëtaren suedeze. Zërat e kohëve të fundit të cilat flisnin për një rikthim të sulmuesit të Milanit, në kombëtaren suedeze janë zyrtarizuar sot nga vetë tekniku i kombëtares së futbollit suedez, Jan Anderson.

Nordikët bënë të ditur listën e lojtarëve të grumbulluar në ndeshjet që ekipi do të zhvillojë në fundin e marsit në kuadër të ndeshjeve eliminatore për Kupën e Botës “Katar 2022”, listë në të cilin gjendej dhe emri i 39-vjeçarit, i cili rikthehet në kombëtare pas gati 6 vitesh pas një konflikti me trajnerin aktual Jan Anderson.

“Zlatan është në ekip sepse ai është lojtari që njohim të gjithë. Ai ka qenë dhe vazhdon të jetë një ndër sulmuesit më të mire në botë, dhe për ne do të jetë një vlerë e shtuar në ekip. Përveç kësaj ai ka një eksperiencë të jashtëzakonshme dhe mund të jape kontribut për kombëtaren. Prandaj që mendoj se është e qartë arsyeja se përse kam vendosur ta grumbulloj në kombëtare”, shprehet Janne Andersson, trajner i Suedisë

Ibrahimovic do jetë i gatshëm edhe për sfidën që Suedia do të zhvillojë me Kosovën në datën 31 mars. Gjatë këtij sezoni, shtatlarti suedez ka shënuar 14 gola në 14 takime për ekipin e Milanit.