Autoritetet indiane bënë thirrje të vazhdueshme më 6 qershor që familjarët të ndihmojnë në identifikimin e mbi 100 trupave që ende kanë mbetur në spitale, pasi 275 njerëz u vranë në përplasjen hekurudhore më vdekjeprurëse të vendit në më shumë se dy dekada.

Incidenti vdekjprurës hekurudhor i 2 qershorit, ku një tren pasagjerësh goditi një tren mallrash të palëvizshëm, doli nga shinat dhe goditi një tren tjetër pasagjerësh që lëvizte në drejtim të kundërt.

Pas përpjekjeve të vazhdueshme për t’i shpëtuar të mbijetuarit dhe për të pastruar dhe riparuar dëmet, trenat rifilluan të qarkullojnë në atë zonë në lindje të Indisë, mbrëmjen e 4 qershorit.

Deri në mbrëmjen e 5 qershorit, rreth 100 trupa nuk ishin identifikuar ende, tha një zyrtar i lartë i Departamentit të Shëndetësisë Shtetërore për ajgencinë e lajmeve, Reuters.

Përplasja e tre trenave në mbrëmjen e së premtes, është përshkruar si aksidenti më i rëndë me trena në Indi, këtë shekull.

Më shumë se 1.000 persona janë plagosur dhe janë dërguar në spitale.

LEXONI GJITHASHTU:

• Sulmi në digën në Ukrainë, reagon BE: Krim lufte, Rusia do të mbajë përgjegjësi
• Kikia: Politika i ka të gjitha maskarallëqet bashkë, feja më e rrezikshme